9–10 ნოემბერი 2013

10 ნოემბერს დასრულდა  მასწავლებელთა პროფესიული განვითარების ეროვნული ცენტრის ორგანიზებით,   ტრენინგები რუსთავში  სერთიფიცირებული და სქემაში ჩართული პედაგოგებისთვის ,,პროექტზე დაფუძვნებული სწავლება და ინფორმაციულ-საკომუნიკაციო ტექნოლოგიების ინტეგრირება”.  დიდი მადლობა მინდა გადაუხადო ჩემს კოლეგებს და ჩვენს ტრენერს საინტერესო იდეებისთვის და სასიამოვნო დღეებისთვის.

ეს მე და ჩემი პროექტი(რამდენი გაგვიკეთებია):

მეშვიდე დღე

დღევანდელი მოდულის თემაა-მოსწავლეთა პროექტების შეფასება.ძალიან მნიშვნელოვანია მოსწავლეთა ჩართვა შეფასების პროცესში.მოსწავლეები უნდა იღებდნენ აქტიურ მონაწილეობას შეფასებაში.შმდგომ გადავედით მეორე აქტივობაზე-მოსწავლეთა შეფასების ფორმების შედგენა.წყვილებში ერთად გადავხედეთ განმავითარებელ თვითშეფასებას.გადავხედეთ სასწავლო პროექტების გეგმებს და დავიწყეთ ჩვენ გეგმებში შეფასების შევსება.ძალიან მნიშვნელოვანი იყო ჩემთვის პრაქტიკული მუშაობა - ჩაშენება ,ახალი გვერდის შექმნა.ძალიან დატვირთული და მნიშვნელოვანი დღე იყო!




ჩვენი ყურადღებიანი ტრენერი

მეოთხე დღე

ტრენინგის მეოთხე დღე

მეოთხე შეხვედრის მთავარი თემა კვლავ იყო სასწავლო პროექტის დაგეგმვა  , მაგრამ ჩვენ უფრო მეტი დრო დავუთმეთ პრაქტიკული დავალებების შესრულებას. დავიწყეთ მეოთხე აქტივობით–მოსწავლეთა წინარე ცოდნის დადგენით.ხათუნამ გვაჩვენა მოსწავლის წინარე ცოდნის შეფასების არსებული ნიმუშები, გვთხოვა ჩვენი პროექტისთვის შეგვერჩია საჭირო შინაარსის   შეფასების ფორმა და შეგვედგინა კითხვარი. ჩვენი ნამუშევრები შევინახეთ საგანგებოდ შექმნილ ფოლდერში  სახელწოდებით ,, შეფასება".
ტრენინგის შემდეგი აქტივობა მდგომარეობდა  იმაში , რომ  განგვეხილა უკვე შექმნილი თაიმლაინები და გაგვეკეთებინა საკუთარი .

მეექვსე დღე

დღევანდელი ტრენინგის თემაა–სასწავლო ნიმუშების შექმნა.ხათუნამ აგვიხსნა,რატომ უნდა შევქმნათ მოსწავლის სავარაუდო ნაშრომი.მე უფრო გააზრებული მექნება რა სირთულეები შეიძლება შეხვდეს ბავშვს–ტექნოლოგიებთან,პროექტის ფორმატისა და ტერმინოლოგიის შერჩევასთან ან რთული აღმოჩნდეს გადაწყვეტილებების მიღება პროექტებზე.დავუბრუნდით მოსწავლეთა ნამუშევრების სიას რესურსების ჩანართში და ავირჩიეთ ჩვენთვის სასურველი პროექტის გეგმა,განსაკუთრებული ყურდღება მივაქციეთ მიმართულების მიმცემ საკვანძო კითხვებს,არჩეულ სტანდარტსა და სასწავლომიზნებს.გადავხედეთ პროექტის მახასიათებლების ჩეკლისტი .საშინაო დავალებად ხათუნამ მოგვცა მოსწავლის სავარაუდო ნამუშევრის შექმნა.

19.10.2013                                    დღე მესამე–სასწავლო პროექტის დაგეგმვა

ყველა მასწავლებელს სურს,რომ მისმა მოსწავლეებმა განივითარონ მაღალი სააზროვნო უნარ–ჩვევები და შეძლონ თემატიკის სიღრმისეული გაგება.ამ მიზნის მიღწევაში დაგვეხმარება სწორად დაგეგმილი მუშაობა და სწორად შედგენილი კითხვები. 
პროექტის დაგეგმვის პირველი ეტაპია მოსწავლეების მიერ მისაღწევი სტანდარტის დადგენა.შემდეგ ეტაპს წარმოადგენს შერჩეული სტანდარტებიდან სასწავლო მიზნებისა და მნიშვნელოვანი      შეკითხვების გამოკითხვა.შემდეგი ჩვენი აქტივობა შეეხო ერთი მხრივ მარტივ  თემას–შეკითხვების დასმას. საკმაოდ დიდი დრო დავუთმეთ კითხვების განხილვას–რა არის ზოგადი,თემატური და შინაარსობრივი კითხვები.ვიმუშავეთ სამივე ტიპის კითხვების ჩამოყალიბებაზე.მივხდით,რომ მიმართულების მიმცემი საკვანძო კითხვების შედგენა საკმაოდ რთულია და მოითხოვს მრავალჯერ რედაქტირებას.შემდგომი ჩვენი დავალება იყო კითხვების შედგენა ჩვენი თემისთვის.ჩვენი კითხვები გავუზიარეთ ერთმანეთს.ტრენინგმა მიუხედავად ცუდი ამინდისა ნაყოფიერად ჩაიარა

INTEL -ის ტრენინგის მეორე დღე

დღეს 13.10.2013 ტრენინგის მეორე დღეა და  ჩვენი ტრენინგის თემაა- პუბლიკაციის მომზადება პროექტის სწავლების თემაზე.  ჩვენ გავიხსენეთ განვლილი თეორიული მასალა , შესრულებული აქტივობები და განვიხილეთ ბლოგებზე გამოქვეყნებული მასალები.გავეცანით გამოცემის ნიმუშებს-გაზეთებს,ბროშურებს   და ჩვენმა ტრენერმა მოგვცა პრაქტიკული დავალება -ჩვენი მომავალი პროექტისთვის გავაკეთეთ  საინფორმაციო ბუკლეტი .
 .გავეცანით 21 საუკუნის უნარ-ჩვევებს . ტრენინგის ძირითადი დრო  დავუთმეთ ჩვენი პროექტის დაგეგმარებას

სასწავლო პროექტები- Intel Teach Program

დღეს 12 .10.13 დაიწყო ტრენინგი "სასწავლო პროექტები- Intel Teach Program".ტრენინგი ჩატარდა მე–18 სკოლაში "მომავლის კლასში",ესწრებოდა 12 მასწავლებელი  .ჩვენი ტრენერია ხათუნა ციხელაშვილი. ხათუნამ გვაჩვენა  სამოტივაციო ვიდეო , რომელიც ასახავდა ინტელის პროგრამის ნათელ და დიად მომავალს :) შემდეგ ჩვენ დავიწყეთ პროექტებით სწავლების მიზნების , ამოცანების და აქტივობების დეტალური განხილვა .
 ტრენინგის პირველი დღის განმავლობაში ყურადღებით გავაანალიზეთ ამ პროგრამის სამი მოდული . ახლადშესწავლილი მასალის გასამტკიცებლად შევასრულეთ რამდენიმე პრაქტიკული სავარჯიშო და გავეცანით ინტელის არქივში უკვე არსებულ ,  ძალიან საინტერესო პროექტებს .ქ–მა ხათუნამ მოგვცა საშინაო დავალებაც.რასაც სიამოვნებით ვასრულებთ.

ეს არის ჩვენი ტრენერი